POEZIJA
********

JOHN AQUILINA

Ghad nidra nimxi wahdi

Ghad nidra fi triqati nimxi wahdi,
u ma nfittixx lanqas il-kuntentizza.
Xhin ma jarani hadd, narmi htijieti 
go sqaq li baqa' vojt, nghattihom b'bikja.
U int ma tkun taf b'xejn. Terga' tixxabbat
mas-swar tal-belt antika, u tiftakar
tistad darb'ohra f'qalbi ghall-memorji,
thabbatli mal-bibien u ssib fuq l-ghatba 
il-mistoqsija tieghi tghidlek tidhol.
Imbaghad tifhimni f'kollox u tfittixni
fid-dlam tal-katidralli b'lampier f'idek,
bhal ruh li minghajr fidi, tibqa' temmen.

Ma taghrafnix, ghaliex inkun drajt nimxi
fil-belt li m'ghadhiex tieghi, wahdi, wahdi.

_________________________________________________________________________

Xita


Il-bini tal-belt,
gholi,
jiggranfa s-sema, 
l-ghajnejn ta' l-ucuh muti
cassi wara hgiega, ma jafux.

Fuq il-bajja,
ir-rih ikedd palma
mghobbija bis-sigrieti.
Il-mewg jirkeb ir-ramel bid-dizordni,
halla f'ohra.

Il-biza' ta' go rasi tvenven go widnejja
u l-hsibijiet bhas-shab, suwed, mitqala.

Riesqa x-xita.

_________________________________________________________________________

Indifferenza (jew apatija, kif trid hi)


Xi trid di' x-xitwa thabbat wara l-bieba
u ruhi keshet silg u ma tridx tisma'?
U int ghax ma tifhimx, ghax ma thossx bhali,
ix-xewqa li x-xemx tiddi s-sena kollha?

_________________________________________________________________________

Qtar

Gharwiena s-sigra ssejjah in-nifs t'alla,
u jerga' jigi r-rih u jaqa' l-weraq.
Id-dmugh idub minn ghajnejk stalaktiti
jbahbah ruhek, hafja fil-memorji.

Tingazza l-ezistenza.

Mill-gerha twerzaq iqattar iz-zmien.

_________________________________________________________________________


Iz-zmien taqtir mill-fjali tal-mekurju
f'nofs xitwa ngazzata tleqq bir-rezha.
La jdejk ikunu nkisru fuq il-pjanu
u n-noti tqal ikunu difnu l-pjazza
biex jibqa' biss dal-manikomju abjad,
nohorgu nimmimaw ir-recta taghna,
isimna jkun is-sinfonija tizfen 
ta' mhabba' tragika li qatt ma tieqaf,
ix-xitla li hawwilna fuq it-tieqa
kull meta xtaqt il-borra tasal hdejna.

_________________________________________________________________________

Jien nghidlek li se nitlaq,
int tistaqsini fej'
u tahseb f'dak li ghadda.
Jien nibza' milli gej,

mix-xita w mit-tempesti,
mill-qamar misterjuz,
mill-ghar li dalam f'daqqa,
mill-bahar maestuz.

_________________________________________________________________________

Jien li f'ghajnejk kont naqra r-ribelljoni,
(tempesta dmugh qed tersaq mal-fruntiera),
xhin l-isqaqien tal-belt isiru taghna
u taqa' f'daqqa d-dalma, forsi nifhmek.

U jien li gismi kollu kien irieghed
ma' kull tisbita fl-art ta' saqajk ghera,
kont nibza' wkoll minghajr ma nipprotesta.

_________________________________________________________________________


U forsi d-dghajsa tieghek qatt ma xxenqet
li taqdef lejn xemx tidi f'tarf ix-xefaq,
u s-swaba kalmi tieghek qatt ma riedu
li jiggranfaw mas-shab jew l-oghla qcacet.
Int qatt ma bkejt id-dnub tas-sentimenti,
jew qomt f'nofs lejl imwerwra wahdek, forsi.

Ghalhekk la ssir poeta tifhem ghala 
it-toroq twal jien kont imxejthom, kollha...

_________________________________________________________________________

Fuq wiccha univers li qatt ma fhimtu.
Id-dawl t'ghajnejha jilghab loghba sewda.
Tfakkarni fil-holma fejn mitna t-tnejn l'ahna
u sabu gisimna fit-tarf tal-bajja l-ohra.
Ma' baqa' xejn; ix-xfafar tad-dawl inezzghuk
u nhobbok irrid u ma rridx.

_________________________________________________________________________

Intelqet gharwiena mal-hogor tat-tieqa,
gisimha jfuh bhal-lejl.
Staqsietni "X'baqa, issa?"

Fil-boghod inheba l-qamar
u dellha rega' tqal,
sthajjiltha dolomita.

_________________________________________________________________________


Xhin hareg mistrieh ma kienx jehtieg tilbes,
u baqghet gharwiena tittawwal fil-mera.
U demgha f'ghajnejh u m'hemmx ghalfejn tilbes.

_________________________________________________________________________

Il-qahba

Il-kwiekeb ghamu fiz-zliega t'ghajnejha.
'qas qamar ma rat imxabbat ma-soqfa.

F'idejha mrassa ponn razznet tnehidha
biex hadd ma jehodulha,
tistenna jsaqsiha biex thobbu.

Ma rahiex tibki. Waddbilha l-munita
f'karus fuq gradenza
u weghedha jerga' jigi.

_________________________________________________________________________

L-ucuh xtajtiet mejtin,
m'hemm hadd li jsellfek harsa.
Triqat popolati, 
id-dinja tieghek tieghek,
hadd ma jafha.

L-ghajnejn iniggzu jfittxu
ir-raggi tal-qamar,
u tintebah li x-xemx ma nizlitx.

Sa l-ilma bahar nixef.

_________________________________________________________________________

Ir-rih

Ir-rih ihabbilli il-kwiekeb go xaghari.
Is-sigar xjuh jitolbu taht l-irwiefen.
Hgigiet bhas snien keshin, icekcku.
U l-bahar jibla' l-art, jghannaqha b'vjolenza.
Shab iswed faham, kwazi l-lejl, aghar mil-lejl,
u ragel isoff is-shana minn sigarett,
ghaddej lejn ma jafx fejn.

_________________________________________________________________________

In-niket, bhaz-zmien, mifrux mal-pjanura,
u x-xenqa bla nifs tixxabbat bla heda
ma' gismek silwettat, muntanja mxarrba.

Issejjah tinfetah bhal fjura l-passjoni,
u nergghu ninhabbu bil-qilla tax-xita.
Imbaghad il-mewt titbissem minn fuq xmara.

_________________________________________________________________________

Bhar-ramel maqlugh, il-mewg tal-passjoni,
ruhi tixxabbat ma' gismek muntanja.
L'ghajnejn ma jarawx, l-idejn imqaddsa jhossu
ix-xita f'ghajnejk u r-rih li hu nifsek,
il-passi tax-xmajjar li sqewk, l-istennija

_________________________________________________________________________

Figurini

U l-vuci tieghek forsi mhix se twassal
sa wara s-swar tal-belt li bnejt madwari,
u harstek, tqila, l-anqas m'hi se tinfed
id-dlam li qed jingema' wara dahari.

'mma darba dan il-forti ser icedi,
bla ma jintebah hadd, xejn ma jinbidel,
u tkun tista' tigborni bicca bicca, 
tarani, terga' thobbni kif kont qabel.

_________________________________________________________________________

Id-demm passjoni hamra twerzaq
mit-tila mignuna.
Id-demm ix-xmara ta' l-ewwel orgazmu.
	Iz-zwiemel storbjuzi fil-vini;
	Memorji jqattru mill-qurriegha mifqugha;
	Tektik ta' zveljarin minghajr pacenzja;
	u gismek, mislut ghall-ksieh ta' qamar-bestja.

_________________________________________________________________________

Meta hi titolbok thobbha

Met'hi, wieqfa fis-skiet gharwien
titolbok thobbha,
u n-niket taghha jaqtghek 
bhas-sirda fid-dezert,
tkun taf li wahdek.

Il-lejl jaghfas tqil,
bla sabar, 
fuq ruhna,
in-nifs bhall-ugigh,
talb ta' l-agunija.

Il-weghda li m'ahniex se mmutu aktar.

_________________________________________________________________________


L-ugigh iwerzaq fil-bahh jimla' l-kamra,
u int li drajt ticcassa lejn il-mera,
twiddibni li m'emmintx.

Taht it-tieqa barklor iswed jistenniena
jaqdef fil-lava.

_________________________________________________________________________

Xhin lehni baqa' jidwi mal-kolonni
ta' dan il-katidrall,
"Stajt m'ghedtli xejn," wegibtni.

_________________________________________________________________________

Ghajnejn homor iniggzu
bhal xefaq imdemmi.
U inti tibqa' ma temminx
il-hmar il-lejl kull lejl.

_________________________________________________________________________

Iz-zkuk tas-sigra qed jigirfu l-qamar.
Mank werqa m'hi ticcaqlaq fuq il-gzira.
Ibqa' stennieni, forsi nigi wara x-xitwa.

_________________________________________________________________________

Bhan-nifs li jmut bil-lajma ghax xeba' jghajjex,
dil-kelma m'hemmx li terga' tiehu l-hajja,
u l-eremit antik ma jridx li jiskot.

_________________________________________________________________________


Relazzjoni

Is-sentenzi taghna mqasqsin
bhall-fildiferru.
Wara t-toqob tal-hadid neghmez biex nilmhek
imxebilka mal-frieghi Settembrini.
Il-bews ankrat f'haddejk
bhal pepprin mirfus,
inixxi d-demm.


_________________________________________________________________________

Maltemp

Iz-ziemel jiggranfa s-sema saqajh kalamiti,
rikkieb iswed jissara mas-sarima.
Minn wara l-kolonna
int tgedwed l-elf litanija
bhall-Ecce Homo frustat.
Is-sajjetti jaqsmu s-sema
u ma tibqax taghrafni
fit-twerziq mignun jifrex fil-bahh.

Imbaghad iz-ziemel jitgerbeb ma' rdum u l-hanqa mirduma.

_________________________________________________________________________

Elegija


Titrakka f'ghajnejk l-ahhar xemx
imbaghad jidlam.

Mad-dmugh ingazzat
in-niket iwahhal iwegga'
bhal kliem fuq xofftejk imbasktin.
Mat-tnehid silenzjuz
nixxotta l-ugigh minn fuq mohhok
go bramel bla qiegh.

Hux veru l-memorji
bhal ghelieqi li mxejt u li nsejt, 
hanini?
Issa naghlaq ukoll il-persjani
u ndendel mal-bibien il-faxex bojod.

Bilhaqq xi hadd tefa l-fanal fil-kantuniera.

_________________________________________________________________________

Ma tistax tibqa' 
imsallab mt-terrazzi tal-muntanja
tixxabbat mat-tama;
xi darba taqta' qalbek.

Imbaghad tkun l-ehfef haga ccedi,
u thalli t-tifkiriet jinhallu fl-ilma t'ghada.

_________________________________________________________________________

Min jaf fihiex ugigh il-mewt wehidha
xhin tirmunkani 'l barra bla stedina,
u d-dghajsa tieghi tghib taht xemx inutli?

Min jaf fihiex ugigh meta hwejjigha
jaqghu bhal-lejl fuq siggu vojt taht tieqa,
u nhoss fil-kjaroskur spallejha mieghi?

_________________________________________________________________________

Il-mewt

Ma jkun difficli xejn imbaghad.

La tigi hdejk, haddejha tal-hadid,
u thoss is-sirda tistaqsik tirtira,
la hwejjigha tal-harir ikunu mdendla
fuq granpun mal-persjana,
u mbissma tistiednek iccedi,

ma jkun difficli xejn li tinhabb maghha.

_________________________________________________________________________



Minn wara l-gholja
u d-dell tat-tliet slaleb tad-dnub,
tittramonta r-raguni.
Go mohhi
jiccarrtu l-purtieri damaski
jikxfuk jixluk.
Ghajnejk ma jeghjew qatt,
jarawni nterraq hafi
wahdi, sat-tarf nett.

_________________________________________________________________________

Mill-ghodwa mcarrta
tinheles ix-xemx bhaz-zerriegha
taqsam id-dalma.
Quddiemna l-mixja gdida,
id go id
fuq l-istess triq, lejn l-istess tarf.
Minkejja d-dawl ma nafux fejn sejrin.

_________________________________________________________________________

Mahruqa bil-kubrit
is-sigar skeletri qeghdin hemm.
Huma l-kuntratt taghna t-tnejn.
Jonqos biss
tghinni nrampel mill-giebja
l-merkurju tad-deni.

_________________________________________________________________________

Wiccek mument iffrizat mislut hazin.
Il-karba mugugha go kamra fid-dlam.
Kelma wahda ssaqsi kollox.

_________________________________________________________________________

Imsallab mal-hitan, l-art qed tahrabli
minn taht riglejja, lixxa bhal halliela.
M'ghandix ma' fejn niggranfa ghax ghereq kollox,
kull kmandament l'emmint inbidel f'daghwa,
id-dubji bhall-verdett tal-kriminali
jixluni mill-mera. Inhossni noghtor.
Li ghext u li ttamajt, dil-htija tieghi,
li wahdi bqajt kuljum nistenna l-fidwa
u ma rtirajtx fil-bidu tat-tellieqa.
U x-xhieda qieghda hemm, l-ittri ta' ismi
imhazza traskurati f'qiegh il-list

_________________________________________________________________________


Hawnhekk tispicca t-triq li mxejt sa issa,
u bhall-idjota jkolli nerga' lura
minghajr trofew f'idejja, b'tama inqas.
Bil-passi tqal tac-comb, u b'harsti 'l isfel,
niskonta bla naf ghala di 's-sentenza
fil-habs ta' l-innocenti, 'flok nirtira.
Din l-aghar eternita', tistenna wahdek
il-minutiera belha taqa' f'postha,
thabbat mal-bieb maghluq sakemm jifthulek,
tpassi ma' l-istess triq ghax m'hemmx triq ohra.



Bhas-silg fix-xemx iddub il-kuntentizza,
jisfuma f'siegha l-ferh, jinhela wahdu,
u jkollok terga' lura lejn il-bidu
bil-ftila mitfija. Min jigi mieghi,
fuq art li m'ghandhiex mapep u sinjali,
b'riglejh hafjin ihabbat biex jifthulna?
Forsi m'hemm hadd qed jisma l-ghajat taghna,
jew forsi dan kastig, ghax tlifna meta lghabna
u hadd ma tana t-tieni cans, u t-tielet.
Kemm cansijit inhlewm u kemm 'ppruvajna
nittawlu biex naraw fejn hadd m'uriena,
u kemm habbatna ghalxejn, u kemm ghejjejna;
imissna nirtirawha l-mistoqsija
u mmutu ftit kuljum, hekk l-ehfef.



Lehnek il-libsa tieghi meta titfi,
fid-dlam ninkixfu t-tnejn ghax xejn ma nghidu,
u bla ma jmissni lehnek, nisma' xorta.
Jizloq minn fuqi l-lejl bhal harir kiesah,
ghas-seba' darba m'hemmx irqad illejla, 
sraqtuli llum ukoll il-holm, hadtuli,
biex issa lehnek biss il-libsa tieghi.

E-mail to JOHN AQUILINA

Return to Main Page